Cantîr di recitazion e di videomaking cu lis Officine Giovani

Un percors par divertîsi e par zuiâ cu la recitazion e cul videomaking. Al è l’intindiment di “#BeActor”, la iniziative che si invie miercus ai 14 di Otubar a sîs sot sere (18.00) alì des Officine Giovani. Il cantîr creatîf, dividût intune prime part indreçade su la recitazion e intune seconde centrade plui sui videos, al sarà svilupât adun cul grup Felici ma Furlans. La ativitât e larà indenant ducj i miercus fintremai la fin di Novembar. Par vê informazions e par iscrivisi si à di contatâ la segretarie des Officine Giovani al 0432 541975 (di martars a vinars te fasse orarie tra 16.45 e 19.45 e di sabide tra 14.30 alle 18.30) o pûr ae direzion di pueste eletroniche officinegiovani@gmail.com.