Scree de mostre su Tina Modotti ai 17 di Otubar

Atore di teatri e di cine, artiste di avanvuardie, ma ancje protagoniste dai grancj moviments politics e sociâi de prime metât dal Nûfcent. Un grum di lints par viodi traviers la vite di un personaç poliedric e straordenari tant che Tina Modotti. A 36 agns de ultime grande esposizion dedeade ae famose fotografe di Udin, l’assessorât ae Culture dal Comun di Udin e il comitât Tina Modotti a presentin “Tina Modotti: la nuova rosa. Arte, storia e nuova umanità”, retrospetive fate su a Cjase Cavazzini dai 18 di Otubar. La esposizion, che e sarà inaugurade sabide ai 17 di Otubar aes 6 sot sere, a presentarà al public la racuelte plui grande des fotos di Tina Modotti par vie di negatîfs origjinâi e documents, insiorade das plui gnovis acuisizions de storie familiâr jenfri Friûl, San Francisco e Los Angeles, sedi inte art de fotografie, sedi intal impegn politic e sociâl di Tina Modotti.