Contribûts comunâi par sterilizâ i gjats

I gjats a son animâi une vore prolifics e chest al puarte cetancj i citadins a no rivâ o no volê viodi dai gjatuts cuant che a nassin. Par chest a son tancje i gjats che a vegnin bandonâts o piês ancjemò. Par limitâ cheste situazion, il Comun di Udin al va dilunc a sensibilizâ la int sui vantaçs che a divegnin dal sterilizâ i gjats. La Zonte comunâl e à cussì fat bon un bant public par judâ lis fameis che a àn mancul disponibilitâts economichis a paiâ i intervents di sterilizazion. Il bant al permet ai residents in citât cuntun Isee fin a 15 mil euros di vê acès a di un contribût di 40 euros par spadâ un gjat mascjo e di 60 euros par sterilizâ une gjate. I proprietaris a puedin presentâ domande di contribût par un massim di doi felins. Lis domandis a àn di jessi presentadis tra i 20 di Otubar e i 20 di Novembar. I intervents invezit a varan di jessi fats dentri de fin dal an. Par altris informazions, par lei il bant e par discjariâ i modui pe domande baste lâ sul sît dal Comun ae direzion www.comune.udine.it.