Oraris di viertidure slungjâts pai simitieris

Il Comun al vise che cul svicinâsi des zornadis dedicadis al ricuart dai muarts, dai 24 di Otubar ai 4 di Novembar i simitieris citadins a restaran vierts di vot di buinore a siet sot sere (08.00 – 19.00). La Aministrazion comunâl e à cjapât contat cu lis fuarcis di polizie par che ta chês zornadis a incressin i controi tes areis dai simitieris ma, chel istès, si invide i visitadôrs a no lassâ borsis o altris ogjets personâi cence custodie, in maniere di evitâ incidents che a podaressin jessi facilitâts de presince di cetante int.