Iniziativis dal servizi didatic dai Museus Civics

A tornin lis iniziativis dal servizi didatic dai Museus Civics. Sabide ai 24 di Otubar, a trê dopodimisdì (15.00), il Museu Etnografic al propon un laboratori par fruts tra i 6 e i 10 agns dedicât ae percezion temporât des societâts dal passât. Il cost al è di 8 euros e si à di prenotâ dentri di joibe, ae direzion di pueste eletroniche didatticamusei@comune.udine.it. Domenie ai 25, simpri a trê dopodimisdì (15.00) ma a Cjase Cavazzini, e je in program une ativitât par fameis cun fruts tra i 6 e i 10 agns dedicade ae mostre “Carlo Vidoni. Tracce di esistenza”. Ta chest câs il cost al è di 3,50 euros plui la jentrade al museu. La prenotazion e je obligatorie dentri dai 22 di Otubar simpri cuntune mail a didatticamusei@comune.udine.it.