Si pues za presentâ domande pal sostegn al redit

A tacâ di joibe ai 22 di Otubar i citadins dal ambit Socio assistenziâl di Udin podaran presentâ domande pe gnove misure di sostegn al redit previodude de Regjon FVG. Come che si è za a cognossince il jutori al sarâ di 550,00 euros al mês par un massim di un an, bês destinâts tant che integrazion al redit e erogâts a personis e fameis in stât di dificoltât. Pal Ambit di Udin l’intervent al podarà interessâ cirche mil e 300 personis. Rispiet aes modalitâts: i residents tai Comuns di Udin, Cjampfuarmit e Pagnà a presentaran la domande al Sportel Informatîf dai Servizis Sociâi in Vie Micesio 31, daspò di vê cjapât apontament ai numars 0432/1272399 e 0432/127264, cun orariis di lunis a vinars des 8.30 a matine a misdì e mieç, il lunis e il martars ancje des 3 aes 5 dopomisdì. Al è pussibil notâsi ancje par vie telematiche ae direzion www.supersaas.it/schedule/comud/SostegnoReddito2015. I residents tai Comuns di Martignà Pasian di Prât, Pavie, Puçui, Pradaman e Tavagnà a podaran presentâ la lôr domande alì des rispetivis sedis comunâls.