Cheste setemane si invie il progjet “Polis”

Cheste setemane si invie “Polis”, la Plateforme Operative Laboratoris di Inovazion Sociâl imbastide dal Comun di Udin che si davuelzarà e che e ponte a stiçâ singui, grups e associazions zovanîls a svilupâ progjets e azions par incressi lis ocasions di relazions sociâls e par miorâ i leams di comunitât dentri dai cuartîrs de citât. Alì dal Punto Incontro Giovani di Udin al sarà metût sù un spazi là che i operadôrs de cooperative Aracon, cul jutori di esperts dal setôr, a compagnaran i partecipants intal svilupâ lis lôr ideis par mieç di taulis di lavôr e di formazion. I progjets a varan di previodi azions che a puartin a di un miorament reâl des cundizions de comunitât: azions che, cuntun bant di pueste, a varan la pussibilitât di gjoldi di un contribût economic fin a 4 mil euros. Par vê plui informazions si pues contatâ il sportel informatîf, acrivi ae direzion di pueste eletroniche polis.udine@gmail.com o ben telefonâ ai numars 0432 582109 e 340 5701800 (di lunis a joibe te fasse orarie 16.00 – 19.00 e il vinars ancje tra 20.00 e 23.00).