Al vie lunis i apontaments di “Tantilibri” e “Storiolando”

E torne a tacà lunis, ai 2 di Novembar, e e larà indenant fin ai 18 di Avîl 2016 la XXI edizion di “Tantilibri”, inmaneade de Sezion Ragazzi de biblioteche civiche “Joppi” e indreçade ai fruts dai 18 ai 36 mês. Ogni lunis, di 17 a 18, i fruts e i lôr gjenitôrs a podaran scuvierzi i prins libris, cu la colaborazion dai Servizis Prime Infanzie e l’ intervent des educatricis dai Nîts dal Comun. Simpri lunis, cun di plui, a tacaran i apontaments “Storiolando” curâts dai volontaris dal Club “Tileggounastoria”. Il prin apomìntament al è in program a 17 inte biblioteche de 4^ circoscrizion in vie Pradamano 21.