Conference stampe di presentazion di “Energia in gioco”

E ven presentade lunis ai 9 di Novembar a 11 intune conference stampe la edizion di chest an di “Energia in gioco”, event in program dai 10 ai 14 di Novembar, che al à l’ obietîf di promovi compuartaments responsabii intal doprà la energjie. Cinc zornadis di iniziativis pai citadins e pes scuelis par cognossi il mont de energjie traviers la sience. La conference stampe e je in program intal edifici 8 dal ex macel comunâl. Cun di fat a son rivâts insom i lavôrs par meti in sest une part dal edifici cjapâts dentri dal progjet european CEC5. La plui part des ativitâts si davuelzarà intal ex macel, in vie Sabbadini.