Cerimonie di viertidure des lûs di Nadâl

Daspò dal rinviament dal impiament des lûs di Nadâl di sabide passade, par memoreâ lis vitimis dai fats di Parigi dal 13 di Novembar, la aministrazion comunâl e à decidût par une cerimonie simboliche tant che rispueste ae violence, par vuê a tacâ des sîs sot sere in Place Libertât. A impiâ lis luminariis a saran il sindic Furio Honsell e l’assessôr pes Ativitâts economichis Alessandro Venanzi. Il conciert dal FVG Gospel Mass Choir, che al jere previodût simpri par sabide passade, al è stât rimandât ai 23 di Dicembar. Dai 4 ai 24 di Dicembar al sarâ presint invezit il marcjadut di Nadâl de Confartesanât in Place Sant Jacum.