Bonus-fruts a pene nassûts

Il Comun al metarà a disposizion ancje chest an dai fonts propris par garantî l’acès al bonus-fruts a pene nassûts (bonus bebè) par chei citadins residents che jerin stâts taiâts fûr dai contribûts regjonâi ae fonde de normative leade al vincul di residence. Podaran ve acès al contribût lis fameis residentis intal Comun, cuntun indicadôr Isee che nol sedi parsore dai 30 mil euros e che no vedin za gjoldût dal contribût de leç 11/2006. Lis domandis podaran jessi presentadis dal 2 di Avrîl fin ai 3 di Mai in mût diret al Pont Informatîf Unic dai Servizis Sociâi a li dal centri polifunzionâl Micesio. Si podarà inviâ il dut ancje par mieç di letare racomandade indreçade al Comun di Udin in Via Lionello, 1 o ancjemò par mieç di pueste eletroniche ae direzion protocollo@pec.comune.udine.it. Il modul si cjate a li dal sportel dal Centri Micesio o si pôl scjamâ sul sît dal Comun: www.comune.udine.it