Ae scuele “Dante” riscjaldament bielzà metût a puest

Al è stât metût a puest il probleme che al à interessât la primarie dal Comun, cun l’implant in servizi ancje in tal Ipsia Ceconi. Te zornade di îr, ai 17 di Novembar, di fat, la dite par la manutenzion dal implant dal ples des scuelis di vie Dante e l’Ipsia Ceconi e a proviodût a meti a puest i tubis de aghe cjalde che va ae scuele comunâl. Inte marinade di vuê, ai 18 di Novembar, i termosifon e an tornât a scjaldâ lis aulis dai fruts, ancje se daspò il svuedament totâl dal implant si à scugnût spietâ cualchi ore par tornâ in temperadure. Lis aulis a son tornadis cjaldis a metât matinade, come confermât de scuele.