In spedizion i boletins par paiâ la Tasi

Cui 27 di Novembar il Comun al tacarà a mandâ tes cjasis dai citadins i boletins pal paiament dal salt de Tasi che al scjât ai 16 di Dicembar. Il model F24 semplificât za compilât al è compagnât di une note informative e un scheme che al propon ducj i dâts doprâts par calcolâ la impueste. La spedizion a cjase nol è un at dovût, e chel di Udin al è un dai pôcs Comuns de regjon a fâle cun chê di facilitâ i citadins. Ancje pe seconde rate si conferme la alicuote dal 2,2 par mil pe abitazion principâl e par une pertinence par categorie catasticâl (C/2, C/6 e C/7). Tal câs di possès di une seconde pertinence si à invezit di proviodi al paiament de Imu cuntune alicuote ordenarie dal 8,6 par mil. Cui che al à un Isee sot dai 8.181 euros nol à di versâ l’acont. Prime di paiâ, i citadins a àn di controlâ che i dâts a sedin juscj. Se a vessin di jessi erôrs a van segnalâts ae direzion di pueste eletroniche servizio.entrate@comune.udine.it o pûr viodi cui uficis ICI/IMU/TASI di vie Stringher 12/a (tel. 0432 1272856/857). Il paiament si pues fâlu tai sportei des puestis o des bancjis, ma ancje par mieç dal home banking o alì dai tabachins dal circuit ITB.