Plui ufierte di servizis ae primarie Mazzini

In gracie di dôs convenzions sotscritis dal Comun di Udin la ufierte de scuele primarie Mazzini e sarà infuartide cun cors di natazion e di teatri su misure pai arlêfs. La Aministrazion comunâl e inmanearà par chest an scolastic dai cors di natazion sore nuie alì de pissine dal Palamostre di vie Ampezzo. Si fevele di doi turnis di 10 lezions ognidun là che il Comun al cuvierzarà sei i coscj pal traspuart, sei la gjestion aministrative dal progjet. Cun di plui, inte suaze de gnove convenzion cul ERT, si à slargjât ancje a cheste scuele i percors teatrâi za inmaneâts in altris istitûts scolastics de regjon.