Arbui di Nadâl ancje in II e VI Circoscrizion

Ancje la Seconde e la Seste Circoscrizion a impiin i lôr arbui di Nadâl. L’apontament al è par sabide ai 12 di Dicembar a cinc dopodimisdì (17.00) alì dal oratori di Sant Svualt in vie Bertiolo e a siet e un cuart sot sere (19.15) sul sagrât de glesie di Sant Roc, su la vie omonime. Pe ocasion, ator dal arbul, si daran dongje citadins, autoritâts, comerciants dai borcs e lis associazions che a àn puartât il lôr contribût pai doi apontaments. Si podarà ancje picjâ sui doi peçs di Nadâl un messaç di auguri pal an gnûf scrivintlu sui segnelibris che a saran dâts fûr sul moment, ma ancje intes buteghis che a àn aderît ae iniziative.