Inchieste su servizis e imprescj informatics dal Comun

Ce servizis e imprescj informatics metûts a disposizion dal Comun di Udin cognossistu? Sêstu sodisfat de conetivitât in citât? Ce struments dopristu par inzornâti su lis gnovis che a interessin il Comun? Che sugjeriments proponistu par miorâ la ufierte di servizis on line de Aministrazion comunâl? A son juste un pocjis des domandis che i citadins di Udin a podaran rispuindi par mieç de inchieste “La città per il cittadino. Il cittadino per la città” che e je disponibile, dai 10 di Dicembar indenant, sul sît internet dal Comun. Tai ultins agns a son stâts une vore i progjets metûts adun o promovûts de Aministrazion comunâl ta chest cjamp: di Epart a OpenMunicipio, de bande ultralargje al wi-fi public, de app UdineVicina ai Open Data – al spieghe l’assessôr pe inovazion, Gabriele Giacomini – e al è cumò impuartant fâ un belanç cul contribût dai citadins. Par partecipâ ae inchieste al baste lâ sul sît www.comune.udine.it e lâ daûr des istruzions. Il cuestionari al è formât di 19 domandis cun rispueste sierade e di un spazi par sugjeriments e coments.