Un incuintri par contâ lis vuatis dal zûc di azart

Contâ lis vuatis e i mîts fals che si platin daûr dal zûc di azart. Al è ce che si propon un incuintri inmaneât dal Comun di Udin e in program joibe ai 17 di Dicembar a cuatri e mieze dopodimisdì (16.30) intai spazis dal ex macel comunâl, in vie Sabbadini. Protagonist dal apontament al sarà Giorgio Dendi, matematic e campion mondiâl dai zûcs matematics di Parîs 2000.