Protocol di intese sul “Psicolic dal teritori”

Vuê, martars ai 15 di Dicembar, a palaç D’Aronco al è stât sotscrit il protocol di intese tra l’Ordin dai psicolics dal Friûl – Vignesie Julie e l’Ambit Socioassistenziâl Udinês par formalizâ la colaborazion e par meti sù la figure dal  “Psicolic dal teritori”. Si trate di un professionist che al lavore intal cjamp dal sociâl in cunvigne cui Comuns dal Ambit par dâ rispuestis su problematichis che a integnin responsabilitâts familiârs, feminis in dificoltât, dirits dai minôrs, anzians, personis cun disabilitâts. “Si trate di un servizi gnûf e inovatîf – e à spiegât la assessore pe salût, Simona Liguori – che nol tocje dome i intervents sul disasi, ma che al da soredut une man a fameis, citadins singui e associazions di volontariât.