Viertis lis preiscrizions pai servizis scolastics

Viertis lis preiscrizions ai servizis prescolastics, postscolastics e di mense. Fin ai 3 di Lui, sul sît de aministrazion comunâl e sul portâl “fruts” dedicât aes scuelis, al sarà in vore un colegament internet pes operazions di preiscrizion ai cinc servizis dâts fûr dal Comun, ven a dî la mense, il preacet, il postacet (dome pes scuelis a timp plen), il doposcuele curt e chel complet (ducj i doi cul servizi di mense). I gjenitôrs a podaran cussì prenotâ date e ore dal apontament par perfezionâ la iscrizion cence fâ codis al sportel. Pes fameis che a àn plui fîs iscrits in istitûts diferents, tra l’altri, si podarà prenotâ un apontament unic. Par ducj chei che no àn la pussibilitât di acedi a internet, alì de sede dal ufici Servizis Educatîfs e Sportîfs (viâl Ungheria, 15), a saran a disposizion postazions informatichis di podê doprâ di bessôi o cul jutori di un operadôr.