Oraris diviers dai uficis demografics par vie des elezions

Il Comun al informe che in ocasion des elezions i oraris di viertidure dai uficis demografics a varan des modificazions, fûr che l’ufici di Stât civîl. In particolâr l’ufici eletorâl, pe consegne des tessaris eletorâls, dai inzornaments e pe consegne dai duplicâts dai documents, al sarà viert di vuê a sabide ai 20 di Avrîl di 9 a 19 cun orari continuât. Dilunc de viertidure dai seçs, cun di plui, domenie ai 21 di Avrîl a saran vierts di 8 a 20 e lunis ai 22 di Avrîl  di 7 a 15. L’ufici anagrafe, cun di plui, al sarà viert  lunis ai 22 di 8.45 a 12.15, fale che il servizi cjartis di identitât che al restarà viert fin a15.00. Intes zornadis di martars ai 23 e miercus ai 24 di Avrîl l’ufici anagrafe al restarà viert di  8.45 a 12.15. In  câs di domande di certificazion anagrafiche, di autenticazions e di pratichis che a rivuardin la cjarte famee la aministrazion comunâl e invide a lâ  intes  sedis des circoscrizions che a saran viertis di 8.30 a 12.30. Il Comun, ae infin, al informe che  dal prin dopomisdì di martars ai 23 di Avrîl, al sarà pussibil stâ daûr ai risultâts des elezions provinciâls e comunâls  in sale Ajace. Intai uficis demografics di palaç D’Aronco, di fat, a a saran disponibilis  lis proiezions dai risultâts in timp reâl. Il “Salone del popolo” cun di plui, al sarà a disposizion dai gjornaliscj pes intervistis.