Apontaments vinars e sabide a Cjase Cavazzini

Doi i apontaments culturâi in program ta cheste fin di setemane a Cjase Cavazzini. Si tache vinars ai 19 di Avrîl a sîs sot sere (18.00) alì de sale conferencis dal museu dulà che Massimo De Sabbata, Vania Gransinigh e Remigio Guadagnini a presentaran al public la version virtuâl dal Archivi Marcello Mascherini che al è pôc che e je stade publicade in rêt. La presentazion dal sît e sarà ancje une ocasion par ricuardâ chest scultôr che nus à lassâts juste trente agns indaûr. La dì dopo, invezit, sabide ai 20 di Avrîl simpri a sîs sot sere (18.00) il professôr Fulvio Salimbeni al presentarà il volum di Alessandro Del Puppo “Modernità e nazione. Temi di ideologia visiva nell’arte del primo Novecento”.