Ai 24 di Avrîl lis poesiis di Maria Forte in sale Ajace
Ai 24 di Avrîl a 6 sot sere in Sale Ajace a Udin, inte suaze dai “Dialoghi in Biblioteca” inmaneâts de Biblioteche Civiche e dal assessorât pe culture, cu la colaborazion de Comission paritât om e femine, e vignarà fate la presentazion dal libri ‘Vôs disdevore’ di Maria Forte, publicât de Associazion culturâl El Tomât tal 2012. I contignûts de publicazion a saran introdusûts di Laura Nicoloso Pitzalis che, a tacâ des poesiis metudis dongje tal libri, e slargjarà po il discors a dute la ativitât leterarie di Maria Forte. Lis poesiis a saran letis dal Teatri Sperimentâl di Vile di Buie.