Orari di vierzidure continuât pai uficis eletorâi

Par vie dal secont turni des elezions comunâls udinesis dai 5 e dai 6 di Mai, i uficis eletorâi di vie Beato Odorico da Pordenone a varan un orari di vierzidure continuât par facilitâ chei citadins che a vessin di vê bisugne di duplicâts des tessaris eletorâls. Dai 2 ai 4 di Mai i sportei a saran vierts di nûf di matine a siet sot sere (9.00 – 19.00), domenie ai 5 di Mai a saran vierts di vot di buinore a vot di sere (8.00 – 20.00) e lunis ai 6 di Mai di siet di buinore a trê dopodimisdì (7.00 – 15.00). Simpri lunis, a tacâ di trê dopodimisdì, si podarà viodi i risultâts eletorâi a man a man che a rivin in sale Ajace.