Slungjât il tiermin par domandâ il “bonus bebè”

Al è stât slungjât fintremai ai 31 di Mai il tiermin par presentâ lis domandis par gjoldi dai beneficis previodûts par cui che al à un frut. Ancje chest an il Comun al interven cu lis sôs risorsis par garantî l’acès al contribûts pes nassitis e pes adozions par chei citadins che a àn la residence a Udin, ma che no puedin gjoldi dai beneficis regjonâi par cheste categorie. A puedin duncje gjoldi di chest contribût chês fameis che a son residentis in comun di Udin, che no passin i 30 mil euros di nivel Isee e che no àn vût acès ai beneficis previodûts dal articul 8 bis de leç regjonâl 11/2006 par vie dai vincui che la leç e fisse in merit ai timps di residence. La domande e à di jessi presentade alì dal Sissu (Pont informatîf unic dei servizis sociâi) logât intal centri polifunzionâl Micesio, o spedide cun racomandade al Comun di Udin (vie Lionello, 1) o pûr vie pueste eletroniche certificade alì de direzion protocollo@pec.comune.udine.it .