Vie libare definitîf de Zonte al gnûf stadi Friûl

La Zonte comunâl e à dât il vie libare al progjet definitîf par ricualificâ il stadi Friûl. Un at che al rive dopo dai parês positîfs di ducj i organisims che a àn competence su cheste materie e che al permet cumò ae societât di balon dal Udin di inviâ i lavôrs pal implant gnûf. L’esecutîf al à po fat bon ancje il program pes celebrazions leadis ae Zornade mondiâl dal zûc in program sabide ai 25 di Mai. Il progjet si davuelzarà alì de Ludoteche.