Milano gnûf president di “Udine Mercati”

Ferdinando Milano al è il gnûf president di “Udine Mercati”, societât partecipade pal 56% dal Comun di Udin, che dal Avrîl dal 2000 è gjestìs il marcjât agroalimentâr ad in grues di Udin. Milano, che al cjape il puest di Mario Savino, al jere stât par diviers agns president dal Erdisu, assessôr pal belanç dal Comun di Udin e conseîr di aministrazion de Universitât furlane. Savino dut câs al reste intal CdA de societât, là che a son dentri ancje Fabiana Caffi, Giuseppe Pavan e Paolo Cervellin. In dì di vuê il marcjât agroalimentâr udinês, là che operin passe 30 aziendis, al movimente plui o mancul un milion di cuintâi di pomis e verduris frescjis ad an.