Prime riunion dal gnûf Consei comunâl

Il sindic Furio Honsell al à clamât dongje il Consei comunâl par vuê vinars ai 24 di Mai a cinc e mieze dopodimisdì (17.30) inte sale de Loze dal Lionel. Al ordin dal dì: l’esam de cundizion dai elets e la convalide de elezion dal sindic e dai conseîrs comunâls; zurament dal sindic; la elezion dal president e dal vicepresident dal Consei comunâl; la comunicazion su la composizion de Zonte comunâl e la verifiche des carateristichis di idoneitât dai assessôrs; la elezion de Comission eletorâl comunâl; la presentazion des liniis programatichis dal sindic.