Il Comun al autorize la ativazion dai implants termics

Denant dal lâ dilunc di temperaduris avonde plui bassis rispiet ae medie de stagjon, il Comun al à decidût che, cundut che si à za passât la scjadince dai 15 di Avrîl, chel istès si pues meti in vore i implants termics par un massim di siet oris par dì. L’assessôr comunâl pal ambient Enrico Pizza al à spiegât che, dal moment che cun joibe lis massimis no varessin di passâ i 14 grâts, al someave coret visâ i citadins e soredut i aministradôrs dai condominis par che a garantissin temperaduris che a tutelin i sogjets plui debui, a tacâ di fruts e anzians. Intal Comun di Udin, al à ricuardât l’assessôr, e je previodude la ativazion dai implants par 14 oris par dì inte dade che e va dai 15 di Otubar ai 15 di Avrîl, ma tal câs di situazions climatichis particolârs i implants a puedin jessi ativâts ancje fûr di chel periodi.