Centris estîfs comunâi, si varan 120 puescj in plui
La Zonte comunâl e à decidût di slargjâ la capacitât di acet par cierts turnis e par cualchidun dai centris estîfs dal Comun di Udin par un totâl di 120 puescj in plui. La iniziative – e à spiegât la assessore pal sport, pe educazion e pai stîi di vite, Raffaella Basana – e varà un cost sù par jù di 28 mil euros. I puescj in plui a interessaran massime i centris comunâi che a son mancul frecuentâts in maniere di razionalizâ al miôr lis disponibilitâts e garantî un servizi di nivel alt.