Premiât il progjet partecipatîf “Open Municipio”

Il Comun di Udin cul progjet ”Open Municipio” al à vinçût un dai premis di ”Open PA”, la iniziative metude adun di Forum PA e Cjamare di Cumierç di Rome pes aministrazions che a àn fat pas indenant impuartants par dâ cont ai citadins des risorsis dopradis e dai risultâts otignûts. Par mieç di chest progjet, la ativitât politiche e aministrative dal Comun e ven metude a disposizion su la plateforme web svilupade adun cu la associazion Openpolis. “Open Municipio” al permet ai citadins di intervignî inte vite politiche de citât cul controlâ il percors di un at, lis ativitâts dai aministradôrs o un argoment che ur interesse e cul comentâ a votâ in rêt la ativitât aministrative comunâl.