Visitis vuidadis al Museu Etnografic

Cun doman, sabide ai 17 di Novembar, a tachin lis visitis vuidadis al Museu Etnografic dal Friûl. La aministrazion comunâl e fâs savê che di doman ogni sabide dai mês di Novembar e di Dicembar, di 3 a 4 tal dopodimisdì (15.00 – 16.00), a palaç Giacomelli in borc di Graçan e sarà inmaneade une visite vuidade, cence prenotazion, ae mostre fotografiche “Simboli e rituali della morte” metude adun di Claudio Marcon e Carlo Innocenti. Par informazions si pues clamâ la segretarie dal dipartiment didatic dal Comun di Udin al numar 0432 414749 o scrivi alì de direzion di pueste eletroniche didatticamusei@comune.udine.it .