Riunion par infuartî i rapuarts tra Comun cun Coldiretti

“Il Comun di Udin al è dongje de Coldiretti e di dutis lis associazions che i fasin cuintri al ûs dai Ogm in Friûl – VJ”. A dîlu al è stât il sindic Furio Honsell intant di un incuintri che si è tignût vuê a palaç D’Aronco cu la presidente de Coldiretti udinese Rosanna Clocchiatti e cul diretôr Angelo Corsetti. La riunion, là che la aministrazion comunâl e jere rapresentade ancje dai assessôrs Carlo Giacomello, Alessandro Venanzi e Enrico Pizza, e veve chê di infuartî i rapuarts di colaborazion tra il Comun e la associazion di categorie che dilunc vie dai ultins agns a àn puartât al svilup ancje a Udin di iniziativis tant che i marcjâts di “Campagna Amica” o il progjet “mirinde sigure” cu lis scuelis de citât.