In vore il gnûf servizi “Amministrazione Trasparente”

Al tache un gnûf servizi che al permetarà ai citadins di stâ daûr ae ativitât di guvier dal Comun: si trate di “Amministrazione Trasparente”, sezion digjitâl cun acès libar che si cjate sul sît dal Comun. Cemût che e previôt la gnove normative su la trasparence des Aministrazions publichis e daûr dal decret legjislatîf 33/2013 sul sît internet dal Comun si podaran viodi e discjamâ informazions sui compens dai dirigjents, sui nivei di assence dal personâl, su consulencis e incarghis a professioniscj esternis, su apalts par lavôrs publics, servizis e furniduris. Dutis chestis informazions a podaran cussì jessi viodudis di associazions, istituzions di ricercje, partîts e moviments politics, ma ancje di singui citadins par podê analizâ in maniere critiche la gjestion publiche o par doprâ i dâts a vantaç de comunitât.