Presentâts i dâts dal progjet “No alla Solit’Udine”

A son stâts presentâts îr dal sindic Furio Honsell e de assessore pe salût e pe ecuitât sociâl Simona Liguori i dâts de ativitât dal progjet “No alla Solit’Udine” che al à cjapât dentri diviersis associazions di volontariât dal teritori. Intal 2012 a son stadis prsentadis in dut 5.234 domandis di intervent de bande di 666 personis. Tra i servizis plui domandâts si àn i traspuarts cun 1.174 domandis, la spese programade cun 915, l’acompagnament pes cjaminadis cun 689, e la domande di informazions cun 474. Diviersis ancje lis clamadis par comissions, consulencis e consegne di referts. La plui part dai intervents e je stade fate su segnalazion dai assistents sociâi (2.053 câs) o domandâts par telefon (1.743 voltis).