Gnove edizion di “Citadins in moviment”

Di cheste setemane e fintremai i 19 di Lui vot areis verdis de citât a dan acet a di une gnove edizion di “Citadins in moviment”, il program di apontaments inmaneâts des circoscrizions dal Comun par judâ la salût dai citadins e la cure dal fisic. Si fevele di cinc percors diferents che a van dal tai chi chuan al pilates, fin ae gjinastiche dolce. La partecipazion e je sore nuie e nol covente iscrivisi, baste presentâsi intes areis verdis là che si davuelzin i apontaments intai dîs e intes oris indicadis intal program. Pes ativitâts di gjinastiche dolce, pilates e sveâsi muscolâr che a previodin ancje esercizis par tiere si à di puartâsi daûr un materassin o un têl. Il program in detai si pues cjatâlu sul sît internet dal Comun. Par dutis lis informazions dal câs si pues clamâ alì dal PuntoInforma al 0432 414717.