Emas, riunion dal grup di lavôr regjonâl

Svilupâ soluzions par miorâ la normative ambientâl e par semplificâ i oblics a caric des organizazions che a àn otignût la regjistrazion Emas o altris formis di certificazion ambientâl. A son un pôcs dai temis frontâts intant de riunion dal grup di vore regjonâl dal progjet european BRAVE (Better Regulation Aimed at Valorising Emas) che si è tignude îr a Palaç D’Aronco là che al à partecipât ancje il sindic Furio Honsell. Dopo che a son stadis presentadis lis propuestis di semplificazion, si à viodût des misuris pe sperimentazion sul cjamp. Propit la sperimentazion e invie la seconde fase dal progjet che al rivarà insom intal Fevrâr di chest an che al ven. Tra lis propuestis, indreçadis a organizazions privadis e a ents publics regjistrâts Emas o certificâts Iso 14001, chês plui significativis a previodin la riduzion dai carics pes istrutoriis autorizativis in cjamp ambientâl, facilitazions Irap pes impresis, e incentivazions intes furniduris pai ents publics.