Implants sportîf, avîs public par dôs concessions

Il Comun al cîr societâts e associazions sportivis diletantistichis disponibilis a gjestî doi implants di balon di interès circoscrizionâl. Al è timp fin a misdì e un cuart dai 11 di Lui par partecipâ al bant publicât de aministrazion comunâl pes manifestazions di interès pal afidament par trê agns de concession di ûs e di gjestion dai implants sportîfs “G. Centazzo” di vie Joppi – vie de Roie e “F. Capocasale” di viâl dal Sport. Lis domandis di partecipazion a varan di jessi presentadis in buste sierade alì dal ufici protocol dal Comun (vie Lionello, 1). Su la fonde des domandis rivadis, la aministrazion comunâl e metarà jù une liste des associazions candidadis che a saran po invidadis a partecipâ ae selezion e a presentâ la ufierte. Pes informazions dal câs e pai modui par partecipâ baste lâ alì dai uficis pal sport dal Comun (vie Lionello, 1) dal lunis al vinars di 8.45 a misdì e mieç o pûr telefonâ ai numars 0432 271500/740 o scrivi a sport@comune.udine.it .