Emendament a Rome su la linie feroviarie esterne

La aministrazion comunâl e à fat savê che al sarà presentât ae Cjamare, intes prossimis zornadis, inte suaze dal decret leç “dal fâ” dal Guvier talian un emendament sotscrit dai deputâts Gianna Malisani e Poalo Coppola che al ponte a risolvi il probleme dal passaç de trate feroviarie dilunc dal percors vie Buri, vie del Bon, vie Cividât – viâl Vât e che al previôt un percors alternatîf cul dopleament de linie di circonvalazion esterne. L’emendament, valutât cun sodisfazion dal sindic Furio Honsell, al previôt il percors alternatîf par une lungjece di sù par jù 7 chilometris. A chescj intervents a varessin di zontâsi la ricualificazion di Udin Parc e la sistemazion dal sisteme di sigurece gnûf di Udin centrâl.