Conessions internet des scuelis, 17 mil euros dal Comun

Il Comun al proviodarà a cuvierzi cun 17 mil euros lis spesis di conession internet dai cinc istitûts comprensîfs de citât. Lu à decidût la Zonte comunâl intant de riunion di vuê là che si à ancje definît un gnûf criteri di ripartizion dai fonts. Cun di plui, dopo de sperimentazion dal an passât, cul an scolastic 2013-2014 si slargjarà il sisteme dal bon eletronic pes mensis dai fruts a dutis lis 45 scuelis udinesis.