Gnot in tende pai fruts sul plaçâl dal cjistiel

Une gnot in tende sul plaçâl dal cjistiel par imparâ zuiant a ricognossi lis causis e i efiets des calamitâts naturâls e des situazions di risi che a puedin capitâ ogni dì, ma ancje par scuvierzi i segrets des stelis. Chest il fin de iniziative “Passe une gnot in tende come la Protezion Civîl”, indreçade ai fruts e aes frutis tra i 8 e i 12 agns, in program inte gnotolade tra i 19 e 20 di Lui. L’apontament, inmaneât de Protezion Civîl di Udin adun cul Comun, al previôt un numar massim di 60 adesions e duncje par partecipâ si à di compilâ i modui disponibii alì dai centris estîfs, dal PuntoInforma comunâl di vie Savorgnane (0432 414717) o sul sît www.comune.udine.it là che si puedin cjatâ informazions plui in detai su la iniziative.