Cul prossim an scolastic bogns pascj eletronics par ducj

Cu an scolastic 2013/14 si slargje a dutis lis mensis scolastichis de citât il sisteme eletronic par paiâ i pascj. Pai gjenitôrs dai sù par jù 3 mil fruts dai cuatri istitûts comprensîfs citadins duncje no coventaran duncje plui codis par ritirâ i bogns pal gustâ dai lôr fîs. Ce covential fat par gjoldi di chest servizi? Dopo vê creât un cont curint virtuâl associât al non dal frut, i gjenitôrs a puedin cjariâ la tessare di cjase par mieç di home banking, bonific bancjari o cjarte di credit (cence spesis) colegantsi al portâl de cjarte regjonâl dai servizis. Po, a ma a man che i pascj a vegnin fats, il cost al ven scjalât in automatic dal cont virtuâl dal frut.