La iniziative “Misure il to respîr” e torne miercus

Promovi la culture de prevenzion cul sensibilizâ la popolazion al rispiet de sô salût. Cun chest obietîf, ancje in Lui, e torne la campagne “Misure il to respîr” svilupade de Associazion Insuficients Respiratoris dal Friûl – VJ adun cul ufici “Citâts sanis” dal Comun. Miercus ai 17 di Lui duncje il distret sanitari di Udin al ufrìs la pussibilitât di fâ des provis su lis funzionalitâts de respirazion. Lis visitis, fatis cu la presince di un miedi pneumolic e di un tecnic de respirazion, a son sore nuie e si davuelzin cence bisugne di impegnative. Cui che al è interessât al à di presentâsi alì dal ufici informazions dal distret sanitari di vie S. Valantin 20 (plan tiere, a çampe) tra 8.00 e 8.30 di miercus par prenotâ il test. La prove, che e sarà fate intal ambulatori dal prin plan, e sarà fate dentri di misdì aes primis vincj personis che si son fatis indenant.