Daûr a sierâsi il procediment pal passaç dal Cjistiel

Al è daûr a sierâsi il procediment burocratic pal passaç definitîf dal cjistiel al Comun. Inte sô riunion dai 16 di Lui la Zonte e à fate buine une delibare là che il Comun al acete il trasferiment dal complès monumentâl sore nuie e lu fâs jentrâ intal patrimoni dal demani comunâl. L’at dal esecutîf, che al passe cumò al esam dal Consei, al impegne il Comun a sigurâ la conservazion dal cjistiel, a favorî il so ûs public e a valorizâlu tal rispiet dai vincui storics, artistics e ambientâi previodûts de normative. La delibare e da ancje la incarghe ai uficis comunâi competentis di meti in vore i ultins passaçs par formalizâ il passaç dal cjistiel.