Bant par partecipâ a “Energjie in zûc”

Ancje chest an il Comun al vûl proponi la iniziative “Energjie in zûc”, l’event che al ponte a promovi compuartaments responsabii intal ûs de energjie cun chê di sbassâ il consum energjetic, di miorâ la eficience energjetiche, di ridusi lis emissions di CO2 e l’incuinament ambientâl. La Aministrazion comunâl e à duncje publicât un bant par cjapâ sù lis adesions di cui che al vûl partecipâ al event cun iniziativis e ativitâts propriis. Par partecipâ ae manifestazion, che si tignarà tor de metât di Otubar alì de Ludoteche citadine, si à di presentâ domande dentri dai 20 di Setembar. La adesion e je vierte sei a sogjets publics che privâts pûr che a sepin gjestî in maniere autosuficiente incuintris, laboratoris, esperiments, esposizions, visitis vuidadis, proiezions, zûcs e animazions. A partî di cheste edizion, la Aministrazion comunâl e fissarà ogni an un argoment di riferiment. Si partìs cu la aghe, par passâ po a chei altris trê elements tai prossims agns: aiar (2014), tiere (2015) e fûc (2016). Il bant e il il modul pe domande si ju cjate sul sît internet dal Comun.