Limit di atenzion in citât pal ozon

Cul stabilizâsi des cundizions meteorologjichis i nivei di ozon intal aiar a son rivâts ai limits di di leç. Sabide ai 20 di Lui la stazion di control de cualitât dal aiar di Sant Svualt e à segnalât nivei di ozon di 180 micrograms par metricubi, valôr che al corispuint al limit di atenzion proviodût de normative in vore. Dal moment che lis temperaduris a son destinadis a cressi intes prossimis zornadis il Comun al invide ducj, massime fruts e anzians, a evitâ di lâ fûr di cjase intes oris plui cjaldis, in maniere indicative inte fasse tra misdì e sîs sot sere. Come che al fâs savê l’Assessôr pal ambient Enrico Pizza, Arpa e uficis comunâi a tegnin di voli in maniere continuative la situazion, ma chel istès al è impuartant cjapâ precauzions ancje intes zonis cuntun là che il trafic nol è tant fis, viodût che il cjalt al puarte a di une concentrazion alte di incuinament ancje in areis verdis o periferichis.