Il bookcrossing al rive intal ospedâl

Ai 31 di Lui al è stât presentât il progjet metût adun de Biblioteche Civiche “Joppi” e de Aziende Ospedaliere Universitarie “Sante Marie de Misericordie” di Udin par meti in vore il ‘bookcrossing’, o sei il scambi libar e sore nuie di libris, alì de sale di spiete dai donadôrs di sanc alì dal centri di medisine trasfusionâl. Il ‘bookcrossing’ al è za in vore in altris lûcs de citât, par esempli in place XX di Setembar e inte cort di palaç Morpurgo. Pal assessôr comunâl pe culture Federico Pirone si trate di “une iniziative impuartante che e segne la partence di une colaborazion positive e si spere simpri plui strente tra l’assessorât pe culture e l’ospedâl di Udin”. “Si trate di une sperimentazion – al à zontât Pirone – che o pensi che si puedi espuartâ ancje in altris reparts”.