Al torne il Festival dai artiscj di strade

Dopo dal sucès otignût l’an passât al torne ancje tal 2013 il Festival dai artiscj di strade. Inmaneade dentri dai events di UdinEstate, la manifestazion si davuelzarà intal centri storic de citât ai 6 di Setembar in coordenament cui festivals dai artiscj di strade di Gardiscje e Starançan , metint cussì adun une rassegne a nivel regjonâl. Par dute la zornade, a tacâ di 3 e mieze dopodimisdì, la citât e sarà animade di zûcs, acrobaziis e spetacui di passe 20 artiscj talians e internazionâi. A mostrâ lis lôr capacitâts a saran balarins, mangjefûc, trasformiscj e musiciscj.