Incuintri in sale Ajace sul teme de integrazion

Incuintri vuê a sîs sot sere in sale Ajace sul teme de integrazion, obietîf dal incuintri “Integrazion vincente tra vecjis e gnovis migrazions, la promozion e la valorizazion de interculture par mieç dal scambi di esperiencis tra culturis diviersis”. Ospit centrâl dal incuintri il sindic di Piran, Peter Boossman, il prin sindic di colôr elet intun paîs de Europe dal Est. Al apontament a partecipin ancje il sindic Furio Honsell, il conseîr comunâl Mario Canciani, la presidente de UCAI Arminda Hitaj e Igor Jelen de Universitât di Triest. Cun di plui di 4 dopodimisdì indenant e je vierte la mostre, preparade de UCAI, “Click imn roisa – Storie di madri e figlie tra culture e generazioni”, une esposizion di oparis artistichis di Natalia Bondarenko e une selezion di libris publicâts di socis de UCAI.