Si va indenant cu la esperience dai “nonos vigjii”

Al è timp fin ai 31 di Avost par formalizâ lis domandis pal “volontariât pe sigurece”. Cun di fat, ancje dilunc vie dal prossim an scolastic, il Comun al proponarà di impleâ i “nonos vigjii” pes ativitâts di educazion stradâl e par controlâ lis areis scolastichis ae jentrade e ae jessude de scuele. Si trate di un servizi di utilitât sociâl che al ven puartât indenant in forme ocasionâl e sore nuie e che al va a zontâsi e no a cjapâ il puest di chel davuelt dai cuarps e dai servizis di polizie locâl. Dopo de biele esperience vivude l’an passât, cumò il Comun al vûl tornâ a proponi e magari ancje slargjâ chest servizi che al diven de colaborazion dai citadins. Cui che al è interessât a contribuî al pues cjoli sù il modul de domande che al è a disposizion alì dal comant de polizie municipâl di Udin (vie Girardini 24) o alì dai uficis udinês de Regjon (Servizi di polizie locâl e sigurece, vie Sabbadini 31). Il modul al è disponibil ancje sul sît de Regjon: www.regione.fvg.it . Par partecipâ al covente autocertificâ la titolaritât de patente di vuide o, tal câs che no si le vedi, si à di presentâ un certificât medic di idoneitât fisiche e psichiche.