Cui 23 di Avost in mostre tradizion motociclistiche regjonâl

La tradizion motociclistiche dal Friûl – Vignesie Julie e in mostre a Udin dai 23 di Avost ai 6 di Otubar, alì des Galariis dal Progjet di palaç Morpurgo. la manifestazion, che e à non “Orme di angeli e demoni” e che e je curade de associazion culturâl Trick & Build, e je dedicade ae realtât des motos inte nestre regjon a nivel sportîf, sociâl e culturâl. La atenzion e je centrade massime sul periodi che al va dai agns ’30 ai ’70 dal secul stât. In gracie di fotos, filmâts e cimelis si podarà viodi la evoluzion des tecnologjiis motociclistichis e cognossi i personaç principâi che a àn leât il lôr non aes motos. La esposizion e je vierte cun jentrade libare dal martars ae domenie inte fasse orarie che e va di 16.30 a 19.30.